O Resurrection Fest vendeu este martes os 27.000 abonos para a edición de 2020 do festival, que se celebrará do 1 ao 4 de xullo en Viveiro, con System Of a Down como cabeza de cartel.
Desde as 11.00 horas, a organización puxo á venta unha primeira remesa de 18.000 abonos (en quendas de 5.000, 5.000, 4.000 e 4.000, con descontos nas entradas meirandes para os máis madrugadores).
Finalizada a cuarta oferta, os promotores quitaron unha quinta de 4.000 entradas. Seis horas despois, esgotaronse os 27.000 abonos dispostos, o que supón o recórd na historia dun festival que na pasada edición atraeu no pasado mes de xullo a máis de 100.000 asistentes, segundo informou a propia organización.
SYSTEM OF A DOWN, JUDAS PRIEST OU KORN, RECLAMOS
Ademais de System of a Down, tamén se sumaron ao programa desta nova edición do Resu bandas emblemáticas, como Judas Priest, dentro da xira do seu cincuenta aniversario, ou Korn, coa única actuación programada no noso país en 2020.
Lionheart, Hamlet, Meshuggah -tamén con único directo nun festival español-, Beyond The Black, Elder, Our Hollow, Our Home, Cannibal Grandpa, Belvedere, Dark Funeral, Sepultura, Onza, The Atomic Bitchwax, Thirteen Bled Promises, Dagoba, Amenra, Blowfuse, Heaven Shall Burn, Vita Imana, Knocked Loose, Jinjer e Madball son as outras bandas confirmadas.