InicioCulturaA ópera chega o 8 de marzo por quinta vez a Burela...

A ópera chega o 8 de marzo por quinta vez a Burela con ‘Rigoletto’, de Giuseppe Verdi

As entradas estarán á venta esta semana, con prezos entre os doce e os 18 euros

Publicada o

- Advertisement -

A concellería de cultura de Burela anunciou este luns que o vindeiro 8 de marzo, domingo, o auditorio municipal acollerá de novo, por quinta vez, un espectáculo de ópera. Trátase de ‘Rigoletto‘, de Giuseppe Verdi.

O concelleiro de cultura burelao, José Díaz, precisa que o espectáculo (19.00 horas), ofrecido pola mesma compañía que nas anteriores ocasións, chegará a Burela tamén de novo través da empresa ConcerLírica. “É unha ópera en tres actos, con dous descansos dun cuarto de hora e unha duración aproximada de 150 minutos”, precisou o edil.

A peza, baseada nunha obra de Víctor Hugo, está protagonizada por Rigoletto, o bufón xorobado da corte do ducado italiano de Mantua e a súa filla Gilda, á que esconde na súa casa, salvo para ir á igrexa a rezar. Nunha desas visitas ao templo santo, Gilda atópase co duque de Mantua, coñecido na corte por practicar unha vida de pracer con tantas mulleres como lle sexa posible.

As entradas estarán á venta esta semana na plataforma ataquilla.com, cun prezo de 18 euros para as localidades en platea, 15 no anfiteatro 1 e doce euros no anfiteatro 2. Haberá tamén venta no mesmo día do espectáculo, pero cun prezo lixeiramente superior.

“Esperemos que volva encherse o auditorio. Xente de toda A Mariña vén ver a ópera e convidamos a todos a asistir a este tipo de espectáculos, que non podemos desfrutar con demasiada frecuencia na nosa bisbarra”, concluíu Díaz.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...