InicioCulturaCarlos Núñez actuará na catedral de Mondoñedo o 21 de outubro

Carlos Núñez actuará na catedral de Mondoñedo o 21 de outubro

O gaiteiro vigués ofrecerá un concerto especial nas San Lucas para arredor de 500 persoas

Publicada o

- Advertisement -

A asociación As San Lucas, que organiza a feira do mesmo nome, anunciou que Carlos Núñez actuará na catedral de Mondoñedo o 21 de outubro, dentro das actividades programadas para os festexos.

Unhas 500 persoas poderán acceder ao recital, de pago e con aforo limitado. A organización porá as entradas á venta o vindeiro venres, 21 de setembro, na plataforma entradas.ataquilla.com.

AS FEIRAS MÁIS ANTIGAS DE GALICIA

O concerto do gaiteiro vigués será un dos grandes reclamos desta edición das feiras máis antigas de Galicia, que datan do 1156. O programa de actividades, que inclúe maxia, teatro ou espectáculos de doma nocturna, comezará o 17 de outubro e rematará o día 21.

BAIXADA DOS CABALOS E PREGÓN

A espectacular baixada dos cabalos ata a Praza da Catedral abrirá os festexos. Será o mércores, ás 18.45 horas. Ese mesmo día, o reitor da Universidade de Santiago de Compostela (USC), Antonio López, natural de Barreiros, pronunciará o pregón desde as 20.45 horas, no auditorio Pascual Veiga.

FEIRA E SHOW DE DOMA NOCTURNO

A tradicional feira de gando, que se celebrará o día 18 no campo dos Paxariños, repartirá máis de 8.000 euros en premios entre 50 categorías. O día grande completarase cunha exhibición de doma nocturna -da que haberá un segundo pase o 19-.

Cartel das San Lucas. AXM

CONCERTO DE GRUPO EXTRA

O concerto do grupo de bachatas Extra, o sábado 20, será outro dos grandes atractivos dun programa que tamén ofrecerá encontros folclóricos e un monólogo de Quico Cadaval.

VERBENAS

Panorama e Punto Clave (que actuarán o día 17), Compostela e Los Satélites (18), París de Noia e Principal (19), La Favorita e Israel (20) e Palladium (21) farán as delicias dos amantes da verbena.

PRESENTACIÓN

A agrupación organizadora presentou a feira no Pazo de San Marcos, coa presenza do presidente da Deputación de Lugo, Darío Campos. O goberno provincial colabora cos festexos cunha achega de 20.000 euros.

Presentación da feira. AXM

O presidente da comisión, Miguel Souto, citou a Miguel Anxo Murado para definir As San Lucas como “a apoteose lírica do cabalo” e convidou a “achegarse a Mondoñedo e desfrutar dun evento único”.

Pola súa banda, Campos asegurou que “é un privilexio promocionar unha feira con 862 anos de tradición“.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...