InicioCulturaA Deputación grava a Paco Alonso, memoria da pesca na Mariña

A Deputación grava a Paco Alonso, memoria da pesca na Mariña

O armador, de 94 anos, explicará os cambios no sector nun documental da Fundación TIC

Publicada o

- Advertisement -

A Deputación de Lugo, en colaboración co Concello de Viveiro, está a gravar un documental sobre a evolución da pesca no municipio da man de Paco Alonso, armador e patrón de 94 anos.

A Fundación TIC será a encargada da peza audiovisual, que narrará a vida do armador do Hermanos Alonso, unha figura destacada no porto de Celeiro e tamén no desenvolvemento pesqueiro na Mariña, no acceso a novos caladoiros e na evolución dos buques.

Grazas ás vivencias do entrevistado, o documental percorrerá case un século de historia. Analizará as transformacións no sector pesqueiro ao longo deste período e recollerá termos en desuso do argot da pesca.

Presentación do documental. AXM

O documento resultante pasará a formar parte do arquivo audiovisual da cidade. Tamén beneficiará ao ámbito educativo, coa súa proxección nas escolas e institutos do municipio. E servirá para fomentar o turismo ao achegar aos visitantes a cultura marítima de Viveiro.

A actividade englóbase dentro do programa do proxecto sociocultural Vivemar. O presidente do goberno provincial, Darío Campos, a alcaldesa de Viveiro, María Loureiro, e o concelleiro de mar, Jesús Fernández, acompañados por Lucas Requejo, impulsor de Vivemar, presentaron este xoves esta colaboración.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...