Adrián Ben comezou o 2019 tan en forma como pechou o pasado exercicio e alzouse co título dos 1.500 metros no Campionato Unión Mediterráneo sub-23, disputado na localidade francesa de Miramas.
Cun tempo de 3:46.34, o atleta viveirense iniciou así da mellor maneira posible a tempada, cun triunfo nun campionato de pista cuberta.
O corredor marroquí Hicham Ankakam foi o segundo clasificado, tras parar o cronómetro en 3:47.45; mentres que Pierrik Jocteur-Monrozier, de Francia, cubriu a distancia en 3 minutos, 47 segundos e 50 centésimas.
OITO MEDALLAS
Ignacio Fontes, do combinado español, quedou en cuarta posición cun tempo de 3:47.79, a un paso do podio. A expedición española acadou catro ouros e oito medallas.
