Os ministros de Pesca da Unión Europea chegaron sobre as 3.00 da madrugada deste mércores a un acordo para a repartición das posibilidades de captura en 2019.

No tocante á pescada sur, especie que preocupaba á frota galega, a expedición española conseguiu que se mantivese a cota nas 5.924 toneladas, igual ca neste exercicio.

Bruxelas propuxo un recorte do 14% -sería a quinta redución consecutiva- para esta pesquería vital para o arrastre, o que criticou o sector pesqueiro mariñao.

OBRIGA DE DESEMBARQUE

No tocante á obriga de desembarque ou prohibición dos descartes, acordouse unha ‘bolsa’ de capturas accesorias á que poderá recorrer España e de intercambios de especies con outros países.

No tocante a cinco poboacións -de bacalao, merlán e solla-, os Vinteoito crearon un mecanismo segundo o cal os países con posibilidades de pesca porán a disposición obrigatoriamente un 6% das cotas a España e Holanda, que terán que ofrecer a cambio outra especie.

Podes ler a nova completa en Galicia Confidencial.