A marca de Podemos e Esquerda Unida a nivel autonómico informou destas medidas nun comunicado este martes, no que solicita ao Executivo central, en colaboración cos organismos competentes da Xunta, a convocatoria de “unha mesa de traballo e diálogo“.
Por iso, o grupo parlamentario reclama a presenza nesta reunión dos representantes dos traballadores e administracións competentes, coa finalidade de “atopar unha solución de futuro á fábrica de aluminio que garanta a súa continuidade e viabilidade”, posta en entredito por Alcoa, así como a dos postos de traballo”.
Galicia en Común lembra que o Ministerio de Industria “debería ter aprobado” o estatuto do consumidor electrointensivo, que na actualidade “tan só é un borrador”.
“O Goberno, tras un ano no poder, non atopou ningunha medida para rebaixar o custo que en industrias como a fábrica de aluminio supoñen o 50% dos gastos da planta”, alega a deputada Yolanda Díaz.
A dirixente de Galicia En Común denunciou que a situación que vive a planta lucense “non é nova” e segue “tristemente” o camiño de moitas outras empresas no país. “O actual prezo da enerxía fai inviable o futuro de moitas empresas, sobre todo as electrointensivas”, comentou.
PONTÓN VISITARÁ AOS TRABALLADORES O MÉRCORES
Ana Pontón, a voceira nacional do Bloque Nacionalista Galego (BNG), a responsable local do partido frontista e alcaldesa de Barreiros, Ana Ermida, e maila parlamentaria Olalla Rodil, entre outros cargos, manterán este mércores unha reunión co comité de empresa de San Cibrao.
Bueno aterrizan os Mareaos…Non era sen tempo. Claro viron a foto do PP e indignaronse, ese é o seu sitio cos obreros ..Home non. E que lle pregunten o Doutor falconeti o seu socio principal se cando acabe as vacacións se pode ir dando unha volta tm haber que tal…