InicioEconomíaO 'Full Monty' dos obreiros de Alcoa

O ‘Full Monty’ dos obreiros de Alcoa

Traballadores da quenda B de electrólise, afectados polo ERE, posan espidos para lembrar que a multinacional os deixa "en pelotas", pero con todo non tiran a toalla

Publicada o

- Advertisement -

EFE. Un grupo de traballadores da quenda B de electrólise da planta de aluminio primario de Alcoa en San Cibrao quedouse literalmente en “pelotas” para lanzar unha mensaxe de optimismo aos seus compañeiros e deixar claro que, malia a difícil situación pola que atravesa a fábrica da Mariña Lucense, non están dispostos a “tirar a toalla”.

Once traballadores desa quenda publicaron unha fotografía nas redes sociais na que se lles ve espidos nun dos vestiarios da factoría, tapados só co seu casco de traballo e unha toalla azul ao pescozo, á vez que levantan o puño. A imaxe aparece acompañada da seguinte mensaxe: “Alcoa déixanos en pelotas, pero non tiramos a toalla”.

Son traballadores afectados directamente polo Expediente de Regulación de Emprego (ERE) que suscitou a multinacional para despedir a 524 empregados e apagar as cubas de electrólise da fábrica antes do primeiro trimestre de 2021, unha medida que suporía outros alomenos 400 despedimentos na industria auxiliar de San Cibrao.

A imaxe recordou -sen público neste caso- ao striptease integral dos obreiros da película británica ‘The Full Monty‘, filme que retrataba as consecuencias da reconversión industrial en Sheffield, outrora referente da metalurxia no Reino Unido.

DÍAS DECISIVOS

Con esta fotografía e esa mensaxe pretenden infundir ánimo aos seus compañeiros ante uns días que se presumen decisivos para o futuro da planta, dado que o próximo 28 de outubro celebrarase no Tribunal Superior de Xustiza de Galicia (TSXG) a vista para avaliar a solicitude de paralización cautelar do ERE presentada polos sindicatos.

Namentres, os traballadores seguen á espera de noticias por parte do Goberno de España, para ver se finalmente se produce a demandada intervención pública da planta.

Alcoa, que se decantou por un ERE para San Cibrao tras rexeitar ofertas da siderúrxica británica Liberty House e da Sociedade Estatal de Participacións Industriais (SEPI), xa se desfixo o ano pasado das plantas que tiña en Avilés e A Coruña, logo dun longo proceso que arrincou a finais de 2018. Neste contexto, os traballadores seguirán con mobilizacións a prol da intervención, o xoves en Burela e o sábado en Lugo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...