InicioPolíticaO PSOE de Viveiro aspira "á maioría absoluta" tras reducir "catro millóns...

O PSOE de Viveiro aspira “á maioría absoluta” tras reducir “catro millóns a débeda”

María Loureiro lidera unha candidatura que destaca pola continuidade do equipo de goberno, con oito edís entre os dez primeiros postos

Publicada o

- Advertisement -

O PSOE de Viveiro presentou este venres a súa candidatura para as eleccións municipais do 26 de maio, encabezada pola actual rexedora María Loureiro.

Os socialistas aspiran a “acadar a maioría absoluta no concello” cunha listaxe na que tamén repiten os edís do equipo de goberno: Jesús Fernández Fernández (2), Lara Fernández Fernández-Noriega (3), Jesús Antonio Fernández Cal (4), María Soledad Rey Yáñez (5), Emilio Vilarmea Méndez (8), María del Carmen Franco Díaz (9) e Jacobo Bermúdez Guerreiro (10).

INCORPORACIÓNS

A candidatura incorpora nos dez primeiros postos dúas caras novas, a de César Iglesias Docal (6), traballador de Alcoa que se incorpora a política municipal, e Victoria Baamonde Gómez (7), psicóloga e militante socialista.

Carmen Varela Vázquez, Iber Xosé Sánchez Rey, Dulce María Cociña Neira, Óscar Canoura González, Vitorina Candeias Raposo De Matos, Jesús Chao da Silva e María Dolores Fraga Fernández  completan a listaxe de titulares que completan, como suplentes, Vicente Hermida Rodríguez, Telma Canoura Regal e Aurelio Goas Gómez.

María Loureiro subliñou que se trata dun grupo “que combina experiencia con xuventude”. “A diferenza doutros partidos, nós somos un equipo e danos igual o número no que saiamos con tal de chegar ao noso obxectivo: que en Viveiro continúe un goberno de progreso“, continuou a candidata á reelección.

BALANCE DA LEXISLATURA

A rexedora destacou como logros da lexislatura a redución da débeda “en catro millóns de euros” e mais as accións orientadas a potenciar e desestacionalizar o turismo.

“Nestes catro anos o balance do goberno é positivo, aínda que somos conscientes das necesidades que ten o noso concello”, admitiu a socialista. Neste senso, responsabilizou á Xunta de Galicia de “marxinar” ao municipio.

“APOIO” DA DEPUTACIÓN E DO ESTADO

En contraposición, subliñou o apoio recibido polo goberno do Estado que, expuxo, “axilizou as tramitacións para licitar as obras na fachada do paseo marítimo e melloras na praia de Sacido” e pola Deputación de Lugo.

A este respecto, o secretario provincial do PSOE e deputado, Álvaro Santos, presente no acto, cifrou en “tres millóns de euros os investimentos que o PSOE achegou ao concello dende o executivo provincial”.

O “LEGADO” DE ROEL

Na presentación da candidatura tamén participou a parlamentaria Concepción Burgo, que gabou a xestión de Loureiro sinalando que “conseguiu facer propio” o “enorme legado de Melchor Roel“.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...