InicioEconomíaO comité da Coruña: "se non se couta a Alcoa, marchará para...

O comité da Coruña: “se non se couta a Alcoa, marchará para o ano de San Cibrao”

O presidente do colectivo de traballadores da planta coruñesa di que a multinacional "xa conta con megafactorías noutros países onde lle regalan a enerxía"

Publicada o

- Advertisement -

O presidente do comité de empresa de Alcoa na Coruña, Juan Carlos López Corbacho, asegurou este venres que “se non se pon coto á política de terra queimada” da multinacional, a firma “marchará para o ano” de San Cibrao.

Neste senso, o presidente do comité da Coruña explicou que “Alcoa xa conta con megafactorías noutros países onde lles regalan a enerxía“. 

Tras unha xuntanza co delegado do Goberno en Galicia, Javier Losada, o sindicalista defende que a planta coruñesa “é competitiva e eficiente” a pesar da falta de investimentos da empresa na súa modernización.

Corbacho vincula o anuncio de peche co prezo da tarifa eléctrica e lembra que “cando A Coruña e Avilés eran unha sociedade única, ate 2014, alcanzaron uns dividendos netos de 1.400 millóns de euros sen que se investise aquí”.

O sindicalista instou ao Goberno central para que centre os seus esforzos en abaratar a enerxía aos grandes consumidores. “Hai solución se hai vontade política”, indica.

O representante dos traballadores conclúe que “non asumimos a situación” e que o primeiro é “levantar” o ERE de extinción.

INDUSTRIA REUNIRASE COA EMPRESA

O delegado do Goberno en Galicia, Javier Losada, avanzou que nos “próximos días” a ministra de Industria, Reyes Maroto, reunirase cos presidentes autonómicos de Galicia e Asturias.

A titular de Industria tamén se verá con representantes da multinacional a vindeira semana. “Pedímoslle á empresa que nos traia documentados os motivos para coñecer as causas e definir distintos escenarios nos que traballar”, espuxo Maroto nunha rolda de prensa.

“UNIDADE”

Losada apelou á necesidade de que as administracións “traballen unidas” para reverter o despedimento colectivo anunciado pola firma en dúas das súas tres plantas españolas.

O representante de Moncloa desmarcouse da problemática enerxética e achacou “á falta de investimento” os problemas das fábricas da Coruña e Avilés.

Preguntado por ata onde está disposto a chegar o Executivo central, o delegado do Goberno asegurou que “ata onde sexa posible desde o respecto á legalidade“. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...