O portavoz do PP en Ribadeo, Daniel Vega, critica o envío dunha carta do alcalde da localidade ao presidente da Xunta espoñendo a situación do transporte escolar. Nesa misiva, Suárez Barcía explicaba a Alfonso Rueda as dificultades para coller o bus escolar nalgunhas parroquias do rural.
Por este motivo, Daniel Vega, explica que “enviando cartas con moita carga política non resolven os problemas no noso concello, máis ben o contrario”. Para o popular é un claro exemplo de que “teñen intención de entrar nunha pelea política” e o único que están a facer é crispar o ambiente. Ademais, Vega destacou que ”somos representantes públicos, polo tanto, non debemos entrar nunha discrepancia política por todo”.
O voceiro “popular”, tamén quixo dar as grazas a “María José Gómez, Xefa Territorial de Educación e aos centros educativos, entre todos vamos resolvendo os problemas”. Desde o grupo municipal “non entendíamos moi ben esta modicación”. Por iso, o grupo popular asesorou e asesora ás familas e aos centros educativos para que presenten unha reclamación da parada e o problema estase a resolver
“Nós non imos entrar en políticas absurdas que algúns pretenden. Como grupo municipal seguiremos traballando con moita responsabilidade e seriedade, e falando directamente coas familias, os centros educativos e os técnicos da Xunta, é dicir, falar cos axentes implicados para intentar solucionalo” explica o voceiro.