InicioPolíticaO BNG asumirá cultura, obras, servizos sociais e turismo no bipartito do...

O BNG asumirá cultura, obras, servizos sociais e turismo no bipartito do Valadouro

O alcalde, o socialista Edmundo Maseda, levará as concellerías de urbanismo, vivenda, facenda, infancia, industria, comercio e persoal

Publicada o

- Advertisement -

O Valadouro celebrará este xoves (20.00 horas) o pleno de organización do vindeiro mandato. Tralo acordo asinado para reeditar un goberno en coalición que xa estivo á fronte do executivo local no anterior mandato, PSdeG-PSOE e BNG repartiron as áreas de goberno para a vindeira lexislatura.

Destaca o incremento de concellerías para a formación nacionalista, que sumou un concelleiro máis nas pasadas eleccións municipais, mentres que os socialistas perderon un edil.

Así, o tenente de alcalde, Eduardo Chao, ocuparase das áreas de cultura e obras. O novo concelleiro do BNG, Eliseo Teijeiro, levará servizos sociais -delegación na que se inclúen o Servizo de Axuda no Fogar (SAF) ou a dependencia– e turismo.

Pola súa banda, o alcalde, o socialista Edmundo Maseda, asumirá as competencias en urbanismo, vivenda, facenda, industria, comercio e persoal.

Fina Geada responsabilizarase das áreas de emprego, formación, coordinación municipal, servizos á cidadanía -onde se enmarcan as iniciativas para fomentar o tecido asociativo- e participación veciñal.

Iago Fernández levará as concellerías de medio rural, medio ambiente e novas tecnoloxías.

Finalmente, María Mon asumirá as competencias en educación, xuventude, deporte, familia e muller.

DEDICACIÓNS

A única dedicación exclusiva no Valadouro será a do alcalde. Maseda cobrará unha cantidade levemente superior aos 18.000 euros brutos anuais que percibiu no anterior mandato.

Mon e Teijeiro desfrutarán de dedicacións parciais, mentres que quedará pendente para outra sesión plenaria a aprobación dunha terceira retribución por tarefas a tempo parcial para Chao.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...