O presidente da Deputación de Lugo e alcalde de Monforte, José Tomé, fixo público este venres o reparto das áreas de goberno que dependerán do PSdeG-PSOE. Mayra García Bermúdez e María Loureiro serán as deputadas dos socialistas en representación do Partido Xudicial de Mondoñedo.

A área de Economía, Recadación, Facenda e Especial de Contas seguirá baixo a responsabilidade da alcaldesa de Trabada, igual ca no último mandato.  “As cousas cando van ben e funcionan, non hai que cambialas. Este é un exemplo”, en palabras de Tomé.

PACTO DE GOBERNO

Loureiro, pola súa banda, levará a área específica de Muller e Igualdade, que dá cumprimento a un dos puntos do acordo entre os socialistas e o BNG para gobernar en coalición a administración provincial. Segundo Tomé, a rexedora de Viveiro é “unha persoa comprometida coa necesidade de concienciar e impulsar accións para avanzar cara a igualdade real”.

Podes ler a información completa, con todas as áreas de responsabilidade socialista, neste enlace do Lugo Xornal.