InicioPolíticaBurela planea un pavillón multiusos con 2.500 asentos na zona de Vista...

Burela planea un pavillón multiusos con 2.500 asentos na zona de Vista Alegre

O Concello conta cun solar de 3.000 metros cadrados na zona, que quere converter nunha cidade deportiva

Publicada o

- Advertisement -

O Concello de Burela pretende construír un pavillón multiusos na área de Vista Alegre, ao pé da zona escolar -atópanse alí o colexio público do mesmo nome, unha gardería e os institutos Monte Castelo e O Perdouro-. A intención do goberno local é crear deste xeito unha cidade deportiva, ao aproveitar a cercanía doutros recintos, entre eles o que serve de sede ao Pescados Rubén Burela FS.

O solar onde se ubicará o proxecto serve na actualidade de aparcadoiro nos días de partido desta mesma entidade deportiva. Segundo apunta o alcalde burelés, o socialista Alfredo Llano, o Concello conta nesa área “con 3.000 metros cadrados de titularidade municipal, que iremos abrindo se é necesario”. O goberno local quere dispór tamén un amplo aparcadoiro, que non só beneficie aos usuarios do novo recinto deportivo, senón tamén aos dos centros educativos e aos do Hospital da Costa.

AFORO DE 2.500 ASENTOS

O Concello encargou a un estudo de arquitectura unha memoria técnica e económica do proxecto, que prevé ter listo nun mes. O goberno local pediu á empresa o orzamento e a superficie necesarias para a construción dun pavillón multiusos, cunha capacidade de 2.500 espectadores sentados e con salas de exposicións e ximnasio.

GRADAS MÓBILES PARA CONCERTOS

Outra das indicacións do Concello é que o pavillón teña capacidade para acoller eventos culturais ou musicais de gran aforo. O alcalde burelés, o socialista Alfredo Llano, explica que o edificio “terá gradas polos catro lados da pista, que poderán ser recollidas e permitir a entrada de máis xente”, asegura o rexedor.

Llano afirma que o goberno local pediu tamén á empresa que contemplase un espazo para a ubicación futura dunha piscina. “Temos unha demanda de moitos clubs deportivos, pero queremos aproveitar para facer un proxecto de futuro que mellore Burela en máis ambitos”, sinala o rexedor.

A partir da entrega da memoria, co orzamento, o goberno local iniciará as xestións coas institucións para buscar financiamento e así concretar o acordo adoptado polo pleno municipal. “O Concello tamén fará un esforzo e queremos polo menos pagar o proxecto e achegar os terreos”, apunta.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...