- Advertisement -
O Concello de Ribadeo abriu ao tráfico rodado a rúa San Roque, no treito entre as vías Vilalba e Picarolas.
DÚAS FASES
Rematou así a segunda das fases de reforma do vieiro ribadense, pechando un proxecto no que o investimento total alcanzou os 450.000 euros. O primeiro treito foi executado en 2018 e rematou en xullo, mentres que o segundo comezou en outubro e concluíu días atrás.
O alcalde de Ribadeo, Fernando Suárez Barcia, pide disculpas polas molestias que se puideron ocasionar para realizar estes traballos “pero facendo obras sempre se molesta a uns e outros”.
HUMANIZACIÓN
O proxecto serviu para humanizar a rúa, que volverá ser un paseo emblemático de Ribadeo, con edificios indianos a ambos lados da estrada. Malia perder unhas 50 prazas de aparcamento, o goberno local quixo deste xeito favorecer os peóns e potenciar o comercio local.
