Portos elaborará un “novo informe” para “aclarar” a orixe da praga de mosquitos en Ribadeo

A administración autonómica cuestiona o "rigor" do informe encargado polo Concello que sitúa a orixe da proliferación de insectos na madeira amoreada no peirao de Mirasol

Mosquitos na ventá dun edificio próximo ao peirao de Mirasol

Portos de Galicia elaborará un informe para “clarificar” a orixe da praga de mosquitos que está a afectar a zona do porto e que preocupa tamén aos hostaleiros e comerciantes do casco urbán.

A administración autonómica explicou nun comunicado que o pasado luns “realizaron unha inspección da zona afectada xunto con representantes das empresas madeireiras e consignatarias” e “tomaron mostras para elaborar un novo estudo”.

PORTOS CUESTIONA O “RIGOR” DO INFORME DO CONCELLO

Trala visita, o ente da Consellería do Mar cuestionou o “rigor” do informe do Concello de Ribadeo en relación coa praga de mosquitos. 

O estudo, elaborado pola empresa especializada en pragas Sanal Control Medioambiental, sitúa a orixe da proliferación de insectos na madeira amoreada no peirao de MirasolA administración autonómica critica a “imprecisión do estudo” xa que, indica, “non incluía a visita á zona afectada”.

UNHA FUMIGACIÓN, “INVIABLE”

En relación coas “medidas urxentes” esixidas polos comerciantes e mais o Concello, Portos indica que “a retirada da madeira e a limpeza da superficie non garante a fin da praga” e que “unha fumigación sería inviable a nivel medioambiental e de operatividade”.

RESPOSTAR

Please enter your comment!
Please enter your name here