IniciosociedadeRogelia Mariña recibe da UXT o Premio 8 de Marzo pola súa...

Rogelia Mariña recibe da UXT o Premio 8 de Marzo pola súa traxectoria en Sargadelos

A ex delegada da central recibiu o galardón en Viveiro despois da negativa da dirección a que o recollese en Madrid

Publicada o

- Advertisement -

EFE. A ex delegada da Unión Xeral de Traballadores (UXT) en Sargadelos, Rogelia Mariña, vítima segundo o Tribunal Superior de Xustiza de Galicia (TSXG) da “vulneración ao dereito fundamental da liberdade sindical por parte do administrador único” e da propia empresa, recibiu este martes en Viveiro o Premio 8 de Marzo que concede o propio sindicato.

Mediante un comunicado, a central lembra que o acto de entrega deste premio -que suma 24 edicións– celebrouse na sede de UXT en Madrid o pasado 4 de marzo, pero entonces Mariña non puido desprazarse á capital do Estado para recollelo “ante a negativa da dirección de Sargadelos a darlle permiso“.

A ex delegada foi destituída polas súas compañeiras tras ser sinalada polo conselleiro delegado do grupo empresarial, Segismundo García, que anunciou 49 despedimentos -dos que executou 21– “se non cesaba a presión sindical”.

MÁIS DE TRES DÉCADAS COMO SINDICALISTA

O sindicato optou así por esperar a que a delegada “comezase a desfrutar do seu período vacacional” para facerlle entrega do ‘Premio 8 de Marzo’ da UXT confederal, como recoñecemento á súa traxectoria sindical, “de máis de 30 anos en defensa dos dereitos das traballadoras en Sargadelos”.

“Unha traxectoria que nestes últimos anos converteuse nunha auténtica situación de persecución sindical, recoñecida polo TSXG nunha sentenza na que estima a vulneración do dereito fundamental á liberdade sindical de Mariña e da UXT”, expuxo a central.

No acto de entrega deste premio participaron os secretarios xerais de UXT-Galicia, UXT-FICA e UXT-Lugo-Lemos-Costa, José Antonio Gómez, Javier Carreiro e Ángel Tomé, respectivamente.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...