A Xunta de Galicia prevé culminar “no primeiro semestre de 2020” a reforma do albergue xuvenil de Area en Viveiro.
A conselleira de Política Social, Fabiola García, fixou o prazo este martes, durante unha visita ás instalacións, que teñen pendente a mellora da cuberta.
García explicou que se “está a redactar un proxecto de substitución completa da cuberta e dos falsos teitos interiores na que se investirán 350.000 euros”.
INVESTIMENTO TOTAL DE 750.000 EUROS
A conselleira destacou que será “a obra de maior contía” que se acometerá na reforma do albergue, na que se investirá un total de 750.000 euros.
As actuacións comezaron o ano pasado con pequenas obras como a reposición de lousas de tellado e a adquisición de mobles de cociña. Ao longo deste exercicio, reparouse e pintouse a fachada exterior, cambiouse o chan da zona de monitores e subtituíuse o mobiliario das habitacións.
CAMPAMENTO
Durante estes días, as instalacións acollen un centenar de rapazas e rapaces que participan no campamento ‘Natureza: Ambiente Mariño e Náutica‘.