IniciosociedadeTrece comercios ofrecerán "gangas" na Feira de Stocks de Viveiro

Trece comercios ofrecerán “gangas” na Feira de Stocks de Viveiro

Na cita, do 20 ao 22 de agosto, poderanse mercar artigos de moda de home, muller, e infantil, así como regalos e complementos, mobles ou decoración

Publicada o

- Advertisement -

O Centro Comercial Histórico de Viveiro (CCHV), en colaboración co Concello de Viveiro, organiza do 20 ao 22 de Agosto a sétima Feira de Stocks.

A cita ofrecerá “unha ampla variedade de sectores e artigos” que serán postos á venda
“a uns prezos moi reducidos, onde os clientes poderán mercar verdadeiras gangas, unha oportunidade estupenda de mercar artigos de primeira calidade a uns prezos inmellorables”, expoñen desde o CCHV.

Participarán nesta nova edición un total de 13 stands adicados á venda de moda de home e muller, nenos, xuvenil, regalos e complementos, deportes, mobles, decoración e artigos do fogar.

Os comercios participantes na feira son: Muebles Iglesias, Fontana, Kody e Kody Kids, Versus, Complementos Sulian, Piti Deportes, Raquel Seijido, Albo Zapaterías, Óscar Joyeros, Kerale Moda, Standhome, Van Surf e Van Surf Sneakers.

O colectivo de comerciantes prevé que a cita sexa un éxito dada a afluencia de visitantes a Viveiro no mes de agosto e en vista da asistencia a outras edicións dun evento que, para os clientes locais, se converteu tamén nunha referencia.

HORARIOS

O horario da Feira de Stocks de Viveiro será de 11.00 a 14.00 horas e de 18.00 a 21.30 horas durante os tres días, nas carpas situadas nos Xardíns Noriega Varela.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...