Iniciosociedade"Satisfacción" en Trabada por un curso que comeza coa aula de infantil...

“Satisfacción” en Trabada por un curso que comeza coa aula de infantil suprimida en xullo

A oferta do Concello de vivenda gratis para familias que matriculasen alumnado entre tres e seis anos deu resultado e incorporáronse ao Ceip Celso Currás cinco pícaros

Publicada o

- Advertisement -

EFE. A alcaldesa de Trabada, a socialista Mayra García Bermúdez, recoñeceu “a súa satisfacción” por alcanzar “o obxectivo” que in extremis se marcou o goberno local en xullo e que pasaba por conseguir a supervivencia da aula de educación infantil do colexio local, o Ceip Celso Currás, que ía pechar este curso por falta de alumnos.

“Estamos moi satisfeitos, porque estabamos convencidos de que o Concello non podía perder servizos e o peche da aula de infantil podía ser a antesala ao posible fin do colexio” de Trabada, dixo García.

Ante esa situación, “fomos capaces de reaccionar de forma áxil e de facelo cunha iniciativa novidosa”, mediante a oferta “de vivenda gratis” no municipio para familias que tivesen “polo menos dous nenos con idades comprendidas entre tres e seis anos”.

“ANTESALA” DUN POSIBLE “PECHE” DO CENTRO

Esa iniciativa municipal, recoñeceu a alcaldesa, tamén tivo unha “boa acollida por parte da empresa privada” do municipio, que mostrou a súa disposición a darlles traballo aos novos veciños. Ambas familias están xa en Trabada, iniciaron o curso e “a acollida foi moi positiva”, precisou.

Mayra García explicou que unha familia vén de Guadalajara, ten tres fillos e vivirá na casa habilitada polo Concello no lugar de Sante, mentres que a outra chega de Ferrol, ten dous nenos pequenos e vivirá en Trabadela. Entre ambas, recordou a primeira edil, “aportan cinco pícaros máis para o noso colexio público”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...