O vento deixou nas primeiras horas da tarde deste luns en Viveiro refachos máximos de 113,7 quilómetros por hora nunha xornada con aviso amarelo por ventos superiores ao 80 qm/h.

Segundo os rexistros de Meteogalicia ata as 17.00 horas, os valores máis significativos de vento corresponderon a localidades costeiras con altitude inferior a 900 metros.

Deste xeito, tras Viveiro, o vento alcanzou os 105,9 quilómetros por hora no municipio de Cedeira e os 98,3 en Arteixo.

Tras estes tres municipios, os valores máis elevados de vento corresponderon aos concellos coruñeses de Vimianzo, con 93,8 quilómetros por hora, e Lousame, con 89,2 qm/h.

O aviso amarelo por refachos de vento superiores ao 80 qm/h mantense activado desde as 9.00 horas na Mariña Lucense e desde as 12.00 horas -e ata as 21.00 horas- no noroeste da provincia da Coruña.

O MARTES, ONDAS DE CATRO A CINCO METROS

Este martes, desde as 18.00 horas, na Mariña manterase activo o aviso amarelo por temporal costeiro, con mar combinado do noroeste e ondas de catro a cinco metros de altitude.