InicioCultura"Apareceron cancións de naufraxios, do traballo diario; foi como abrir un cofre...

“Apareceron cancións de naufraxios, do traballo diario; foi como abrir un cofre do tesouro”

Xurxo Souto iniciou coas mulleres de San Cibrao a recollida de cancións da Mariña relacionadas co mar, dentro do proxecto 'Mariñas, maruxas e maruxainas'

Publicada o

- Advertisement -

O Museo do Mar de San Cibrao acolleu esta tarde ao primeiro dos encontros previstos no marco do proxecto ‘Mariñas, marosas e maruxainas’, no que a Rede Museística Provincial e Xurxo Souto colaboran para documentar as músicas e cantigas das mulleres do mar na comarca da Mariña Lucense.

O escritor e músico coruñés reuniuse cunha trintena de mulleres, integrantes do Club Senior do museo sancibrense, coas que compartiu parte do material recompilado de traballadoras do mar doutros puntos do país para convidalas a rescatar da memoria retrouxos e cantigas propias.

“Trouxen letras de cantigas que recollín en conserveiras do sur do país e, a partir desa referencia musical, apareceu un repertorio propio. Cancións que falan de naufraxios, do traballo diario, de celebracións. Foi como abrir un cofre do tesouro”, expuxo Xurxo Souto, que continuará coa documentación deste patrimonio inmaterial noutros lugares da Mariña. O próximo destino, en data aínda por concretar, será Rinlo, en Ribadeo.

O material incorporarase á mostra ‘Amar a mar: mariñas, marosas e maruxainas’, que a Rede Museística Provincial prepara como parte da axenda de actividades coas que conmemora o cincuenta aniversario do Museo do Mar.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...