O reconto oficial do Servizo Galego de Saúde (Sergas) documenta 241 casos activos de coronavirus na provincia de Lugo, tres menos có pasado mércores. Cabe salientar que a Xunta de Galicia cambiou onte o protoloco de información respecto da pandemia, incluíndo agora as altas epidemiolóxicas e non as hospitalarias, é dicir, como “pacientes curados” a aqueles en domicilio que conten con PCR negativa ou que leven “tempo” asintomáticos para considerarse clinicamente” que superaron a doenza. De aí o significativo descenso dos positivos documentados, ata 675 o pasado martes.
Destas 244 persoas, dúas permanecen na Unidade de Coidados Intensivos (Uci) da Mariña. Outras dúas, en camas de críticos do Hospital Universitario Lucus Augusti (HULA). Oito pacientes permanecen en hospitalización, 14 menos có pasado mércores -cinco no Virxe dos Ollos Grandes e o resto no HULA-. En domicilio detéctanse un total de 229 casos, 14 máis ca onte.
Na provincia de Lugo déronse 583 altas e faleceron 26 persoas por mor da pandemia, cinco delas na Mariña. A nivel galego, morreron a causa do coronavirus 547 persoas; o pasado día 29 de abril foi o primeiro sen vítimas mortais desde o pasado 14 de marzo.
RESIDENCIAS
No tocante ás residencias, o número de positivos na Mariña Lucense mantense estable en oito.
MAIORES
3 Res. Cervo
1 Res. Mirador del Eo (Ribadeo)
1 Res. Betania (Viveiro)
TRABALLADORES
2 Res. Burela
1 Res. Cervo
