Investigan se os positivos localizados nunha familia de Vilalba teñen relación co brote da Mariña

O Sergas confirma dous casos nun núcleo familiar e estuda se se tratan de contaxios importados

Proba PCR. EFE/MARCIAL GUILLÉN

Polo menos dúas persoas foron diagnosticadas con coronavirus na localidade lucense de Vilalba, segundo confirmaron fontes sanitarias a Lugo Xornal.

El Progreso, que avanzou a información, eleva a tres os contaxiados e apunta que se trata dunha parella e un familiar que viven en domicilios distintos. Tamén indica que unha das hipóteses que se manexan é que o contaxio se puido producir nunha reunión familiar que se celebrou a primeira fin de semana de xullo.

Pola súa banda, as fontes sanitarias consultadas ratificaron que está en estudo se se trata dun contaxio importado da Mariña, onde se rexistrou un brote que o pasado xoves computaba 140 casos activos.

RESPOSTAR

Please enter your comment!
Please enter your name here