IniciosociedadeBarreiros pide axuda á Deputación para a reforma do abastecemento en Remior,...

Barreiros pide axuda á Deputación para a reforma do abastecemento en Remior, que cifra en 200.000 euros

O goberno local expón que a rede ten "máis de 60 anos" e sofre constantes roturas que afectan á veciñanza e ás explotacións gandeiras da zona

Publicada o

- Advertisement -

A deputada de Medio Rural, a nacionalista Mónica Freire, visitou na tarde de hoxe a zona de Remior, onde o goberno municipal de Barreiros lle trasladou a necesidade de renovar a rede de abastecemento de auga potable.

Na visita a alcaldesa, a nacionalista Ana Ermida, acompañada de parte do equipo de goberno, tamén a segunda tenente de alcaldesa, a socialista Carmen Veiga, explicoulle que a rede que abastece dita zona ten “máis de 60 anos” e atópase nun estado “lamentable”, polo que se producen continuas roturas que afectan ao abastecemento da zona.

INCAPAZ DE SOPORTAR A PRESIÓN URBANÍSTICA EN VERÁN

“Ademais da problemática que pode existir en calquera zona, en Remior concéntranse aínda varias explotacións gandeiras que sofren continuos problemas de abastecemento, polo que a incidencia cando hai cortes ou roturas é aínda máis importante, pola necesidade de contar con auga potable que teñen os animais”, explicou Ermida.

Desde o Concello sinalan que “a situación xeográfica de Remior e o feito da elevada presión urbanística que ten sufrido a rasa costeira do municipio coa existencia de numerosas residencias vacacionais que son ocupadas só en momentos puntuais, provoca que os cambios de presión que soportan ditas canalizacións de auga potable con motivo do cambio de consumo da mesma, sometan á rede a un constante movemento de contraccións que, debido á antigüidade e material, non é capaz de soportar; provocando un elevado investimento en arranxos de roturas que só parchean o problema e, mesmo en ocasións, son causa de posteriores avarías que afondan nos problemas”.

O custo da renovación de dito tramo é superior aos 200.000 euros polo que “dito investimento é inasumible para o Concello en solitario, por iso decidimos solicitar a axuda á institución provincial, convencidas de que existe un compromiso inequívoco de cooperación e axuda co Concello de Barreiros e de que a solicitude será atendida na medida das posibilidades”, asegura Ermida.

O GOBERNO PROVINCIAL TRASLADA O SEU “COMPROMISO”

Freire trasladou o “compromiso” da área de Medio Rural da Deputación para colaborar co Concello de Barreiros na renovación da traída de auga potable, xa que “se os problemas que poidan existir na rede de abastecemento de auga potable teñen unha importancia crucial no referido á vida normal de calquera persoa e/ou familia, contar con un subministro estable e de calidade en explotacións agrarias de vacas é fundamental para o propio desenvolvemento da actividade.”

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...