O Servizo Galego de Saúde (Sergas) confirmou este mércores un positivo por coronavirus no Ceip O Cantel, de Foz. Trátase do segundo caso activo de Covid-19 localizado nos centros educativos da Mariña Lucense. O primeiro foi o dun alumno do CPR Sagrado Corazón, de Ribadeo.
| ÁREA DE LUGO | 23 (POSITIVOS) | 2 (AULAS PECHADAS) | 0 (CENTROS PECHADOS) | |
| CENTROS DE ENSINO NON UNIVERSITARIO | ||||
| BALEIRA | CEIP Plurilingüe Concepción López Rey | 1 | 0 | 0 |
| CHANTADA | CEIP Xoán de Requeixo | 1 | 0 | 0 |
| FOZ | CEIP O Cantel | 1 | 0 | 0 |
| FRIOL | CPI DR. López Suárez | 1 | 0 | 0 |
| GUITIRIZ | IES Poeta Díaz Castro | 1 | 0 | 0 |
| LUGO | CEIP Benigno Quiroga Ballesteros | 1 | 0 | 0 |
| LUGO | IES Nosa Señora dos Ollos Grandes | 1 | 0 | 0 |
| LUGO | IES Sanxillao | 1 | 0 | 0 |
| LUGO | CPR Plurilingüe La Milagrosa | 1 | 0 | 0 |
| LUGO | EASD Ramon Falcón | 1 | 0 | 0 |
| LUGO | CPR Plurilingüe Padres Franciscanos | 3 | 0 | 0 |
| LUGO | CPR Plurilingüe La Inmaculada | 2 | 0 | 0 |
| LUGO | CEIP As Gándaras | 3 | 0 | 0 |
| LUGO | CEE Santa María | 1 | 1 | 0 |
| O INCIO | CEIP Ricardo Gasset | 1 | 0 | 0 |
| PEDRAFITA DO CEBREIRO | CPI Pedrafita do Cebreiro | 1 | 1 | 0 |
| RIBADEO | CPR Sagrado Corazón | 1 | 0 | 0 |
| SARRIA | IES Xograr Afonso Gómez de Sarria | 1 | 0 | 0 |
Na provincia hai 679 casos activos de coronavirus, oito menos ca onte, segundo o reconto ofrecido este mediodía polo Sergas. Nas últimas 24 horas déronse 34 altas, do que se deduce que se rexistraron 26 casos novos.
Dos 679 contaxiados, hai 51 ingresados. Un paciente é atendido no Hospital Público da Mariña, un no Hospital Público de Monforte, 9 no Polusa -todos eles en planta- e 40 no HULA, onde permanecen os catro doentes Covid-19 da área lucense que precisan coidados intensivos. Un total de 628 persoas pasan a corentena nos seus domicilios.
No histórico da provincia documéntanse 82 falecementos. Seis das vítimas mortais do virus na área lucense desde o inicio da pandemia eran da Mariña, sete se se ten en conta que un varón faleceu na Uci de Burela tras ingresar polo virus e superar a doenza no seu período na unidade de críticos. Déronse 2.239 altas e o total de casos acumulados ascende a 3.000.
RESIDENCIAS
No relativo ás residencias, na Mariña hai un único caso, o dunha traballadora do xeriátrico San Bartolomeu de Xove. Non houbo máis positivos nin entre o persoal nin entre os usuarios. Os contaxios localizados na provincia son os seguintes:
MAIORES
1 Residencia Castro Ribeiras do Lea
58 Residencia O Incio (O Incio)
132 Residencia DomusVi Lugo (Outeiro de Rei)
TRABALLADORES
1 Residencia A Milagrosa (Lugo)
2 Residencia Orpea Lugo (Lugo)
35 Residencia O Incio (O Incio)
24 Residencia DomusVi Lugo (Outeiro de Rei)
1 Residencia de Maiores San Bartolomeu (Xove)
1 Residencia de atención a persoas con dano cerebral (Castro de Rei)
4.460 POSITIVOS EN GALICIA, 110 MÁIS CA ONTE
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.460 (110 máis ca onte); deles 1.110 son da área da Coruña, 679 da de Lugo, 602 da de Ourense, 736 da de Pontevedra, 511 da área de Vigo, 633 da de Santiago, e 189 da de Ferrol. Do total de pacientes positivos, 32 están en Uci, 217 en unidades de hospitalización e 4.211 no domicilio. Polo de agora, en Galicia hai un total de 17.308 persoas coa alta, rexistrándose 721 falecementos. O número de PCR realizadas é de 440.382.
O COLEXIO DE XORNALISTAS RECLAMA “TRANSPARENCIA” Á XUNTA
O decano do Colexio Profesional de Xornalistas de Galicia, en representación da Xunta de Goberno, solicitoulle ao novo conselleiro de Sanidade, Julio García Comesaña, que faga públicos datos sobre a crise sanitaria como os casos novos diarios, o tipo de test polo que foron obtidos ou a incidencia acumulada nos diferentes municipios, en formatos de datos abertos e reutilizables e inseridos en series históricas completas.
A opacidade do Goberno galego foi unha constante desde o inicio da pandemia. Durante o brote da Mariña, o Xornal da Mariña desvelou un desfase de alomenos 15 positivos entre os datos comunicados pola Administración autonómica á opinión pública e as cifras que remitiu ao Xulgado.
