Aumentan a once os usuarios con Covid-19 falecidos na residencia de Cervo tras dúas novas mortes

Unha muller de 92 anos e un home de 93 pereceron nas últimas horas no Hospital da Mariña

Un sanitario leva a un usuario na residencia de Cervo. CARLOS CASTRO/EP/GC

A morte de de dous usuarios nas últimas horas, unha muller e un home, elevou a once as vítimas mortais por mor do brote de Covid-19 na residencia de San Cibrao, en Cervo.

Segundo concretaron fontes de Mensajeros de la Paz, empresa que xestiona o servizo, de titularidade municipal, unha usuaria de 91 anos faleceu na tarde do pasado sábado. Aínda que nas últimas probas realizadas deu negativo, fora diagnosticada de coronavirus.

Esta madrugada morreu un residente de 93 anos, que levaba algo máis dunha semana ingresado no Hospital Público da Mariña, e que tamén resultou positivo por coronavirus.

No centro quedan sete maiores infectados e catro en illamento preventivo, segundo precisan as mesmas fontes, ademais dun residente que continúa hospitalizado. Tres traballadoras permanecen de baixa ao dar positivo en Covid-19.

RESPOSTAR

Please enter your comment!
Please enter your name here