A veciñanza afectada pola louseira de Piveri S. L. en Beira do Río, en Mondoñedo, advirten do perigo de derrubamentos na contorna da canteira, sen actividade desde mediados de xullo.
As choivas dos últimos días provocaron desprendementos de pedras e terra nun camiño de uso público que comunica as casas coas fincas.
“As autoridades pechan os ollos aínda que saben ben que aqui teñen un perigo público”, denunciou Manuel Baña, presidente da Asociación de Afectados polas Louseiras do Río Baos.
“Calquera choiva provoca desprendementos”, denuncian os veciños
“Xa presenciaron derrubes en xullo cando pecharon a fronte de explotacion da canteira de Piveri, pero os taludes seguen aí á beira dos camiños e calquera choiva provoca desprendementos que poden causar danos irreparables”, engadiu.
As veciñas e veciños reclaman que se adopten medidas de protección para evitar máis derrubamentos e se reparen os camiños afectados pola actividade da canteira.
DECLARACIÓN INSTITUCIONAL
O grupo mindoniense de En Marea acusou ao goberno municipal de estar incumprindo os compromisos adquiridos nunha declaración institucional do pasado 30 de xullo, respaldada por todos os grupos con representación no pleno.
O voceiro da formación, Manuel Germade, lembrou que o documento admitía a necesidade de “axilizar os expedientes iniciados para a reparación dos camiños públicos.
