IniciosociedadeO alcalde de Burela urxe á Xunta a restituír a tempo completo...

O alcalde de Burela urxe á Xunta a restituír a tempo completo a quenda de tarde no centro de saúde

O rexedor denuncia que con consultas dous días á semana "e por tres horas" con "peonadas", os usuarios "perden moito tempo de ser citados"

Publicada o

- Advertisement -

O alcalde de Burela, Alfredo Llano, considera “unha mala noticia” a “supresión” dun médico de atención primaria no centro de saúde en horario de tarde. Como avanzou o Xornal da Mariña, estase a prestar ese servizo en quenda vespertina dous días á semana. O rexedor esixe ao Sergas o seu restablecemento o antes posible.

O rexedor burelao manifestou que “preocúpanos a perda dun médico de atención primaria de Burela que viña exercendo polas tardes. Desde as dúas da tarde ata as nove da noite había unha persoa atendendo, durante toda a semana, á xente que escollía ese horario. Agora non existe xa, de momento non se está exercendo ese servizo. Pénsase facer unhas peonadas durante dous días, os martes e os xoves, de tres horas, o cal limita moitísimo a oportunidade da xente de consulta. Iso non pode ser”, indicou.

Llano manifesta que “hai que ter en conta que agora mesmo, en plena pandemia e con esta ola que estamos padecendo, e xa desde sempre a atención primaria debe ter o suficiente persoal como para atender con todas as garantías á xente. Ademais había que ir pensando en recuperar a atención presencial dos pacientes e ir procurando que se vaia normalizando, pero hai que facelo coas condicións que se esixen, que é ter persoal suficiente para que faga as quendas suficientes tamén”, indica.

O alcalde considera que “é unha mala noticia que se suprima ese servizo e hai que recomendar ás autoridades sanitarias, e así o faremos, que recuperen inmediatamente e que se volva normalizar esta situación o antes posible”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...