A muller que resultou ferida na noite do pasado domingo en Foz tras ser atropelada faleceu na madrugada deste luns no Hospital Público da Mariña. Trátase dunha veciña da vila focega de 77 anos de idade.

A Policía Local investiga o incidente. O condutor do turismo que atropelou á falecida deu resultado negativo na proba de alcolemia.

Segundo precisaron fontes do Centro Integrado de Atención ás Emerxencias (CIAE) do 122 Galicia, o atropelo produciuse sobre as 20.51 horas do pasado domingo, na rúa Salvador de Madariaga, á altura do número 7, preto do Colexio número 1 de Foz e da Praza de Galicia.

Foron mobilizados ao lugar do incidente a Policía Local, 061-Emerxencias e o Grupo de Emerxencias Supramunicipal (GES) de Cervo.