IniciosociedadeErmida garante que os empregados municipais "cobrarán as nóminas" malia a "situación...

Ermida garante que os empregados municipais “cobrarán as nóminas” malia a “situación límite” de Barreiros

A alcaldesa precisa que a débeda financieira do Concello é de 1,8 millóns, o que supón "o 40% do orzamento municipal"

Publicada o

- Advertisement -

A alcaldesa de Barreiros, a nacionalista Ana Ermida, garantiu este mércores que os 70 empregados, entre funcionarios e traballadores que fan labores para este municipio mariñao, “cobrarán as súas nóminas“, a pesar da “situación límite” das arcas municipais.

Ermida explicou que “na conta xeral que se aprobará no próximo pleno de setembro acompáñase un informe relativo á execución do orzamento de 2018 e o que di a secretaria intervención é que se fixeron unha serie de gastos sobre os que non houbo o suficiente control“.

INCUMPRIRASE O PRAZO MEDIO DE PAGO A PROVEDORES

Esta situación “límite”, destacou, non afectará as nóminas dos empregados municipais aínda que si aos provedores. “Probablemente, incúmprase o prazo medio de pago que se estipula”, admitiu.

A rexedora de Barreiros explicou que “hai gastos que xa están aprobados”. “E estamos a tramitar as cuestións para levar un control e ver que estean dentro do orzamento (de 2018)”, abundou. “A xestión que estamos a facer é de control, pero garantindo que os traballadores cobren. Non se pode estar a xogar co pan da xente“, insistiu.

GASTOS APROBADOS “XUSTO ANTES DE ELECCIÓNS”

Ermida puntualizou que “a débeda é de ao redor de 1.800.000 euros, que é a débeda financeira“, indicou. Isto “supón un 40 por cento do orzamento municipal“, calculou.

“Habería que analizar as facturas que foron aprobadas xusto antes das eleccións municipais e que quedaron pendentes de pago e que está a afrontar o novo goberno”, concluíu a alcaldesa de Barreiros.

No pasado mes de xuño, antes da investidura, os nacionalistas denunciaron que o goberno de Alfonso Fuente Parga (PP), aprobara facturas por 470.000 euros días antes de perder as eleccións, unha situación que o anterior rexedor cualificou de “normal”, pois “todos os Concellos asinan ao final das lexislaturas os recibos acumulados”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...