A tripulación do ‘Carla’ podería permanecer en corentena en Burela ata o 29 de abril

Sanidade Exterior decidirá se o buque pode saír faenar, como pide o capitán; as autoridades sanitarias recomendan que os traballadores estean 14 días confinados no barco

Tripulantes do 'Carla', en Burela. EFE/ ELISEO TRIGO

A tripulación do buque francés ‘Carla‘ permanecerán confinados no porto de Burela (Lugo) ata que Sanidade Exterior, dependente do Ministerio de Sanidade, decida se pode continuar o confinamiento en alta mar mentres realiza labores de pesca ou se o barco debe pasar a corentena amarrado.

Segundo informaron fontes municipais, despois de que todos os tripulantes -un total de 16- desen negativo nas probas de coronavirus -nas que un dos traballadores dera positivo inicialmente-, o armador do barco solicitou que a tripulación puidese saír a alta mar a faenar a unha zona situada entre España e Francia, a 80 millas da costa galega.

Ao tratarse dun buque con bandeira francesa, aínda que o seu armador é asturiano, debe ser o departamento de Sanidade Exterior o que tome a decisión. Para iso, Capitanía Marítima trasladou a documentación sobre a situación da tripulación a este órgano.

O ARMADOR SOLICITA PODER SAÍR FAENAR

En concreto, o barco permanece atracado nunha zona habilitada pola Garda Civil no porto de Burela despois de que un dos seus tripulantes dese positivo en Covid-19 nun primeiro test. Con todo, unhas segundas probas realizadas a toda a tripulación arroxaron un resultado negativo.

Ante iso, por precaución, as autoridades sanitarias recomendan que os traballadores estean 14 días confinados no barco, ata o día 29. Agora é Sanidade Exterior quen ditaminará si a corentena se levará a cabo en porto ou en alta mar.

LLANO, “CONTENTO” DE QUE TODOS OS TESTS FOSEN NEGATIVOS

O alcalde de Burela, o socialista Alfredo Llano, explicou que o capitán do barco planteou a posibilidade de saír traballar “como fórmula de garantir que non haxa contaxios”, ao tempo que se mantén a vixilancia sobre a saúde da poboación.

Escoitada a súa proposta, precisou o rexedor, a Capitanía Marítima de Burela elaborou un informe sobre a situación do barco e da tripulación, que foi remitida ás autoridades sanitarias de ámbito internacional.

Llano amosouse “contento” de que “os 16 tripulantes deran negativo, incluso o que se sospeitaba que fose positivo, estean perfectamente para seguir a súa vida normal”. O goberno local está “moi atento” ao que ocorra co barco; “estase a agardar un ditame, que pode estar de acordo co que propón o capitán se hai garantías suficientes desde o ámbito legal”.

1 COMMENT

RESPOSTAR

Please enter your comment!
Please enter your name here